Sonett-Archiv

Normale Version: Glijck Fransman pronckt, en breydt sijn tael nae macht,
Sie sehen gerade eine vereinfachte Darstellung unserer Inhalte. Normale Ansicht mit richtiger Formatierung.
Glijck Fransman pronckt, en breydt sijn tael nae macht,
So d'ons' ooc doet, en wilt vertaelt uytgeven
Poëten oudt, in Druck, vry bin u leven:
Oft onverstandt al laeckt, sulcx niet en acht.
Als Coornhert en Ghistel: maer en tracht
Versieren gheen sluyt-reghels soo beneven
Den text, om puer te weten wat gheschreven
Heeft u Poeet. Ick hebs my oock ghewacht.
Dan heb ghestelt al willens, t'gheen' redijten
Men noemen plach: hoe't zy, elck wil bevlijten
Tot beter doen, eer hy met ander geckt.
Men vindt een volc die haest wat neder smijten:
Bot, waenwijs aert, en is maer schimpich bijten,
Zijn uyl hoe vuyl hem edel Valck bestreckt.
Referenz-URLs