+- Sonett-Forum (https://sonett-archiv.com/forum)
+-- Forum: Sonett-Archiv (https://sonett-archiv.com/forum/forumdisplay.php?fid=126)
+--- Forum: Sonette aus romanischen Sprachen (https://sonett-archiv.com/forum/forumdisplay.php?fid=857)
+---- Forum: Rätoromanische Sonette (https://sonett-archiv.com/forum/forumdisplay.php?fid=1131)
+----- Forum: Zaccaria Pallioppi (https://sonett-archiv.com/forum/forumdisplay.php?fid=1231)
+----- Thema: L'assunziun da Maria (/showthread.php?tid=22496)
L'assunziun da Maria - ZaunköniG - 11.10.2012
L'assunziun da Maria.
(Suainter Casaregi.)
Tü est sieu craunz, o rösa dutsch' e fina,
E tü sieu let, o casta gilg' e bella,
Compagnas amenduos cun dret a quella,
Chi dorm' in fraid vaschè la pü divina!
Al quêl serafica legiun s'inclina,
Psalmodiand: "finida ais l'urella
Da tieu umaun repos, o Giuvintschella!
II paradis, quel brama sia regina."
E sorridind amur e grazia, s'evra
Sieu ögl celest, chi ogni stail' ins-chüra
E tuot il mel da beadentscha zevra.
Allura vain col sun da melodias
Deliziusas quella mamma püra
Ozed' al trun sublim del pür Messias.