Noot, Jan van der: ZV recht magh man dich woll ... - Druckversion +- Sonett-Forum (https://sonett-archiv.com/forum) +-- Forum: Sonett-Archiv (https://sonett-archiv.com/forum/forumdisplay.php?fid=126) +--- Forum: Sonette aus germanischen Sprachen (https://sonett-archiv.com/forum/forumdisplay.php?fid=394) +---- Forum: Deutsche Sonette (https://sonett-archiv.com/forum/forumdisplay.php?fid=398) +----- Forum: Autoren N (https://sonett-archiv.com/forum/forumdisplay.php?fid=628) +----- Thema: Noot, Jan van der: ZV recht magh man dich woll ... (/showthread.php?tid=26084) |
Noot, Jan van der: ZV recht magh man dich woll ... - ZaunköniG - 18.02.2014 ZV recht magh man dich woll o viel frolicher tagh. Gluckselig nennen, weil mein hertz an dir bekommen Hatt wider seine freudt, mein hertz welchem genommen Sein allerliebste war, durch groß vngluckh vnd klagh, Nun ein so lange zeit: daher mein seel gantz schwach War durch des trauwrens viel: gleich wie im felt die blumen Verwelcken wen die kalten windt daruber kommen Also durch jr abscheidt, trauwren mein hertz durch stach. Aber an dir o tagh voll grosser freudt vnd wohne Fand ich widerumb mein gluck vnd meines hertzen krone Auff jhrem heupt trugh sie ein Burgerliche zier. Ich nam sie bei der handt, gleich furcht vnd freudt mich thetten Vmbfahen, jr süssigkeit, wesen vnd reden hetten Mir muth gemacht, also Göttlich war alls in jhr. |