16.03.2007, 18:21
Rossa die Heins daer doet soet-suere liefde smaecken
Sit nu tusschen t'ghevlerckt der wijt-vlieghende Faem :
Hyella schoon-ghe-ooght door Lernaut heeft den naem:
Naem' die haer t'aller tijt onstervelijck sal maecken.
Loysa die Bulteel eertijts oock dede blaecken
Is wijts en zijts vermaert door sijn luyt aenghenaem:
Onsen Ver-linden oock vindt goet, nut en bequaem
Tot Phyllis lof-ghetuyt op den twee-bergh te waecken.
En ick wil insghelijcx uwen naem, Roose-Mond,
In dit rond aerds-ghesticht door mijn dicht maecken cond,
En uwe gaeven rijck aen elcken-een ontbinden.
Verheucht u dan met my, en rijst op u ghemoet.
Als Rossa, en als Hyell, Loysa, en Phyllis doet,
Door Heins, en door Lernaut, door Bulteel, en Ver-linden.
Sit nu tusschen t'ghevlerckt der wijt-vlieghende Faem :
Hyella schoon-ghe-ooght door Lernaut heeft den naem:
Naem' die haer t'aller tijt onstervelijck sal maecken.
Loysa die Bulteel eertijts oock dede blaecken
Is wijts en zijts vermaert door sijn luyt aenghenaem:
Onsen Ver-linden oock vindt goet, nut en bequaem
Tot Phyllis lof-ghetuyt op den twee-bergh te waecken.
En ick wil insghelijcx uwen naem, Roose-Mond,
In dit rond aerds-ghesticht door mijn dicht maecken cond,
En uwe gaeven rijck aen elcken-een ontbinden.
Verheucht u dan met my, en rijst op u ghemoet.
Als Rossa, en als Hyell, Loysa, en Phyllis doet,
Door Heins, en door Lernaut, door Bulteel, en Ver-linden.